核災陰霾漸去　睇樓量回穩 | 富裕地產代理公司

更多地產新聞

核災陰霾漸去　睇樓量回穩

2011年3月26日

日本核危機陰霾過去，市場信心恢復。在加價封盤潮有所收斂下，市場放盤量增多，業主亦擴大議價空間，有買家趁機「搵貨」，重拾睇樓意欲，令周六、日屋苑預約睇樓量回穩。

祥益地產營業董事張才權指，屯門市廣場於未來兩日共錄得約十組預約睇樓，較上周微跌約兩成，本月至今錄得十五宗成交，平均呎價四千二百元。世紀21東方物業分行陳志明表示，長沙灣宇晴軒預約睇樓量約四十組，較上周上升一成半，買家有見議價空間上升，紛紛積極入市。最近業主封盤反價的情況減少，議價空間提升了百分之二至五，本月宇晴軒暫錄四十宗成交。